Зиёрат туризмига мусулмон давлатлардан сайёҳларни жалб қилиш мақсадида «Тошкент – Самарқанд – Бухоро» йўналиши бўйича «Кичик ҳаж» концепцияси ишлаб чиқилади, дея хабар бермоқда «Халқ сўзи» газетаси.
Жорий йилдан бошлаб мамлакатдаги моддий маданий мерос объектларида ва улар атрофидаги объектларда тегишли инфратузилмани шакллантириш, амалга ошириладиган диний маросимлар учун тегишли шароитларни яратиш орқали зиёрат туризмини соҳанинг истиқболли йўналиши сифатида, шу жумладан, мусулмон давлатлари учун «Кичик ҳаж» зиёрат тизимини ривожлантиришга катта эътибор қаратилади.
Бу ҳақда «Фаол тадбиркорлик, инновацион ғоялар ва технологияларни қўллаб-қувватлаш йили» давлат дастури лойиҳасида тўхталиб ўтилган.
Шу бўйича жорий йил 10 февраль кунига қадар ишлаб чиқиладиган норматив-ҳуқуқий ҳужжат лойиҳасида зиёрат туризми бўйича хизмат кўрсатиш объектлари томонидан қўлланилиши мажбурий бўлган стандартларни қабул қилиш, сайёҳларни кенг жалб қилиш учун зарурий инфратузилмани шакллантириш, зиёратчилар учун хизмат кўрсатишнинг мақбул турларини жорий этиш режалаштирилади. Яна бир муҳим жиҳати, зиёрат туризмига мусулмон давлатлардан сайёҳларни жалб қилиш борасида «Тошкент – Самарқанд – Бухоро» йўналиши бўйича «Кичик ҳаж» концепциясини ишлаб чиқиш назарда тутилади.
Изоҳ (0)