Кимёгарлар қўрғони Самарқанд шаҳри марказидан 9—10 километр узоқликда жойлашган. Айни пайтда ушбу ҳудудда 25 мингдан ортиқ аҳоли истиқомат қилади, деб ёзади ЎзА.
«Транспорт қатновида деярли муаммо учрамайди. Бир неча йўналишда автобус, микроавтобуслар қатнови йўлга қўйилган. Йўналишсиз таксилар ҳам туну кун йўловчилар хизматида. Аммо, Самарқанд шаҳри ва қўрғонни боғлайдиган асосий йўл – Нарпай кўчасида ҳам, қўрғоннинг ўзида ҳам бирорта автобус бекати йўқ. Borlaри ҳам фойдаланишга яроқсиз ҳолга келиб қолган. Ҳатто савдо ва хизмат кўрсатиш нуқталарига айланиб кетган бекатлар бор», — дейилади хабарда.
6, 15, 93-йўналишларда қатновчи автобус ҳайдовчиларининг айтишича, Кимёгарлар қўрғонидан Самарқанд шаҳригача 4—5 бекатда тўхтаб йўловчи олиш ва тушириш белгиланган. Лекин белгиланган манзилларда бекатнинг ўзи йўқ. Шу сабабли ҳайдовчилар қаерда йўловчи бўлса, ўша ерда тўхташга мажбур. Бу эса йўналишлардаги қатнов тартиби ва вақтининг бузилишига сабаб бўлади.
«Қаерда бекат борлиги ёки бўлиши кераклиги ҳам эсимиздан чиқиб кетган. Қулай жойдан Нарпай кўчасига чиқамиз ёки бозорча олдига бориб турамиз. Ёғин-сочинли кунларда автобус кутиш учун бекат йўқлигидан такси ёки микроавтобусдан фойдаланишга мажбур бўламиз. Биз-ку шароитга қараб йўлга чиқаверамиз, лекин ёмғир ёки қор ёққан пайтларда болалар ва кексаларнинг автобус кутиши азоб-да», – дейди йўловчи Р.Ҳайитов.
Изоҳ (0)