Ўзбекистонда «маҳсулот сертификатланган» ва «хизматлар лицензияланган» жумлаларини ишлатмасликка рухсат берилди. Бу ҳақда «Реклама жойлаштириш тартиби»га киритилган тегишли ўзгартиришга асосланиб, «Spot.uz» хабар берди.
Аввалроқ, агарда маҳсулот мажбурий сертификатлаштириш ёки лицензиялашдан ўтган бўлса, рекламада «маҳсулот сертификатланган» ва «хизматлар лицензияланган» деган жумлалар ҳам бўлиши шарт эди.
Шу билан бирга, тегишли ҳужжатларсиз бу каби маҳсулотларни реклама қилиш ҳамон тақиқланган — реклама қилувчи реклама берувчидан ўз маҳсулотининг сертификати ва лицензияси талаб қилишга ҳақли.
Сертификат ва лицензияга эга бўлиши керак бўлган, бироқ ҳужжатлари йўқ реклама тарқатувчи ЭКИҲнинг 5—7 баробари миқдорида жаримага тортилади, шунингдек, реклама берувчи ҳам савдо қоидаларини бузганлик ва лицензиясиз фаолият кўрсатганлиги учун жавобгарликка тортилади.
Изоҳ (0)