«Ўзбекистон темир йўллари» АЖ 9—13 январь кунлари Тошкент—Андижон—Тошкент йўналишида қўшимча рейсларни ташкил этди. Бу ҳақда жамият матбуот хизмати хабар берди.
Ўзбекистон Фавқулодда вазиятлар вазирлиги 11—12 ва 14 январь куни Қамчиқ довонида бўронли об-ҳаво кутилаётгани ҳақида хабар қилганди. «Ўзгидромет» довон ҳудуди ҳамда «Тошкент—Ўш» А-373 автомобиль йўлига қор ёғиши, вақти-вақти билан кучли туман тушиб, кўриш чегарасини 50—100 метрга қадар чеклаши кутилаётгани, шамол тезлиги эса 22—25 метр/секундга етиб, йўлларда қор уюмлари ва музламалар пайдо бўлиши мумкинлиги ҳақида огоҳлантирди.
Фавқулодда вазиятлар вазирлиги белгиланган муддатларда Қамчиқ довони бўйлаб автотранспортларда йўлга чиқишмасликни тавсия қилди. «Ўзбекистон темир йўллари»даги манбанинг хабар қилишича, ФВВнинг тавсиясидан сўнг темир йўл чипталарига бўлган талаб ошиб кетган ва қўшимча рейслар ташкил этилган.Мавзуга доир: «Машинада қолсак, ўлишимиз аниқ эди». Янги йил арафасида Қамчиқда юзлаб одамларнинг ҳаёти сақлаб қолинди
Қўшимча қўйилган поездлар қатнов жадвали қуйидагича:
- №560 «Тошкент – Андижон» поезди Тошкентдан соат 21:15 да йўлга чиқиб, Андижонга 03:16 да етиб келади.
- №559 «Андижон – Тошкент» поезди Андижондан соат 07:15 да жўнаб, Тошкентга соат 13:55 да келади.
Изоҳ (0)