Равшан Ҳайдаров мураббийлик қилаётган ва 23 ёшгача бўлган футболчилардан ташкил топган Ўзбекистон терма жамоаси Осиё Чемпионатини мағлубият билан бошлади.
Қатар U23 термасига қарши саф тортган ўзбекистонлик футболчилар биринчи бўлимни яхши бошлаган бўлса-да, иккинчи бўлимнинг 10-дақиқасида ўз дарвозасидан гол ўтказиб юборди. Қолган дақиқаларда улар мувозанатни тиклашнинг йўлини топа олмади.
Бунгача Хитой терма жамоаси гуруҳдаги биринчи ўйинда Уммон дарвозасига жавобсиз 3 та гол уришнинг уддасидан чиқа олганди. 12 январь куни Ўзбекистон айнан Хитойга қарши ўйинда майдонга тушади.
Қитъа чемпионати бошланди. Ўзбекистон билан ўйин олдидан Хитой термаси Уммон дарвозасига 3 та гол урди
Феликс Санчес мураббийлик қилган Қатар U19 терма жамоаси 2014 йил Осиё Чемпионатида зафар қучган, Равшан Ҳайдаров жамоаси эса ярим финалда КХДРдан 0:5 ҳисобида енгилганди. Орадан 4 йил вақт ўтиб ҳам испаниялик мураббий бошқараётган жамоа Ўзбекистондан устунроқ бўла олди. Қайд этиш керак, Санчес бир вақтнинг ўзида Қатар миллий терма жамоаси бош мураббийи ҳам ҳисобланади.Хитой мазкур мусобақага мезбонлик қиляпти. Ўзбекистонлик футболчилар келаси турда ҳам мағлуб бўлса, турнир билан муддатидан аввал хайрлашиши мумкин. Равшан Ҳайдаров олдига эса ЎФФ чемпионлик вазифасини қўйган.
ЎФФ Равшан Ҳайдаров олдига чемпионлик вазифасини қўйди. Осиё Чемпионати 10 кундан сўнг старт олади
Ҳайдаров икки йил аввал мазкур мусобақага Самвел Бабаяннинг ёрдамчиси сифатида ташриф буюрган бўлиб, ўшанда ўзбекистонлик футболчилар кетма-кет икки мағлубиятдан кейин ўз юришига якун ясаган ва Рио—2016 йўлланмасини саробга айлантирганди.Осиё Чемпионати U23 «А» гуруҳи. 1-тур 9 январь, сешанба
Ўзбекистон — Қатар 0:1
Гол: Алмуаз Али, 55 (0:1).Ўзбекистон U23: Дилшод Ҳамроев —Ислом Қобилов, Рустам Ашурматов, Ҳожиакбар Алижонов, Акром Комилов (Дониёр Нарзуллаев, 52), Азиз Ғаниев (Андрей Сидоров, 84), Одил Ҳамробеков, Жасур Яхшибоев, Достон Ҳамдамов (Бобур Абдухолиқов, 75), Жавоҳир Сиддиқов, Забиҳилло Ўринбоев.
Қатар U23: Муҳаммад Ал-Бакарий —Тариқ Салмон, Тамим Ал-Муҳаза, Абдуллоҳ Ал-Аҳрок (Холид Муҳаммад, 72), Аҳмад Моийин, Акром Афиф, Султон Ал-Браке, Бассам Ар-Ровий, Ҳишам Али (Мешал Аш-Шаммарий, 85), Алмуаз Али, Салим Ал-Хажрий.
Изоҳ (0)