Microsoft компанияси Intel процессорларидаги заифлик сабабли Windows учун навбатдан ташқари янгиланиш ишга тушганини маълум қилди. Янгиланиш Windows 10, 8 ва 7 талқинлари учун ишга туширилган. Бу ҳақда TJournal хабар берди.
Microsoft’нинг тезкор реакциясига қарамасдан, янгиланишнинг иши процессор ишлаб чиқарувчиларнинг янгиланишларига боғлиқ. Ядродаги ўзгаришлар сабабли баъзи дастурларнинг, масалан, антивирусларнинг ишлаб чиқарувчилари ҳам янгиланишларни ишга тушириши керак бўлади. Microsoft шошилинч янгиланиш ёрдамида булут серверларини ҳам янгилаган.
Ўз ўрнида, Intel заифлик бошқа процессорларда ҳам мавжудлигини маълум қилган. Хусусан, у бу борада AMD ва ARM билан иш олиб борилаётганини билдирган.
Изоҳ (0)