«Доктор Веб», Eset, «Касперский Лабораторияси» каби антивирус компаниялари, шунингдек, IT тизимларнинг заифлигини таҳлил қилиш билан шуғулланувчи Digital Security компанияси инсоният тарихидаги энг муҳим киберҳужумлар ҳақида маълум қилди, деб хабар берди «Ведомости».
Моrris wоrm («Моррис чувалчанги») — интернет орқали тарқалган биринчи тармоқ «чувалчанг»ларидан бири ҳисобланади. Корнелл университетининг аспиранти Роберт Моррис томонидан ёзилган ва 1988 йилнинг 2 ноябрида Массачусетс технологиялар институти «ишга туширилган». «Моррис чувалчанги» келтирган зарар 96,5 миллион долларга баҳоланган. Суратдаги дискетада «чувалчанг» коди мавжуд бўлиб, у Бостондаги илм-фан музейида сақланади.
«Чернобиль» компьютер вируси CIH ва «Чих» номлари билан ҳам машҳур бўлиб, у Flash BIOS микросхемасига зарар етказишган биринчи дастур ҳисобланади. Вирус биринчи бор 1998 йилда пайдо бўлган ва ҳамон унинг эпидемияси тугагани йўқ.
1999 йилда Меlissа вируси электрон почта орқали тарқалган биринчи зарарли кодга айланди. Кўплаб йирик компанияларнинг почта серверлари ишдан чиққан. Меlissа келтирган зарар 80 миллион долларга баҳоланган. Суратда Меlissа муаллифини топишда ФҚБга ёрдам берган Фредерик Бьорк ва Жоан Экстром тасвирланган.
2000 йилларда пайдо бўлган Маfiaboy вируси йирик компанияларнинг интернет серверлари (Yahoo, Amazon, Dell, eBay ва CNN) орқали тарқалган кенг кўламли DDos-ҳужумларнинг дастлабкиси ҳисобланади. Вирус тахминан 1,2 миллиард долларлик зарар келтирган.
Cаbir — биринчи мобил вируси 2004 йилда тарқалган. Вирус телефонни ҳимоя қилувчи Caribe Security Manager дастури остида ниқобланиб, фойдаланувчини уни ўрнатишга мажбурлаган. Шунингдек, у Bluetooth орқали ҳам телефонларни зарарлашга уринган.
Энергетика компанияларига ҳужум қилиш учун махсус ишлаб чиқарилган Industroyer вируси 2016 йилнинг декабрида Киев энергия тизимига зарар етказган.
Машҳур WannaCry вируси 2017 йилнинг май ойида дунёнинг 150 мамлакатидаги 200 000 дан ортиқ компьютерга ҳужум қилган эди. Вирус Windows операцион тизими ўрнатилган компьютерларга ҳужум қилган ва фойдалаувчилардан уни бартараф этиш учун 300 доллар сўраган. Суратда вирус-товламачини йўқ қилишга эришган британиялик IT-эксперт Маркус Хатчинс тасвирланган. Аммо орадан икки ой ўтиб Хатчинс АҚШда ҳибсга олинган, у бошқа бир зарарли дастурни — Kronos’ни тарқатишда айбланган.
Изоҳ (0)