Хитой шимолидаги Шаньси провинциясида панда шаклидаги қуввати 50 мегаватт бўлган қуёш электростанцияси қурилди. Panda Green Energy лойиҳаси якунлангач, унинг қуввати икки баробар ошиши кутилмоқда. Бу ҳақда «Корреспондент.net» хабар берди.
Panda Green Energy томонидан қайд этилишича, электростанциянинг ноодатий кўриниши ёш хитойликларни илҳомлантириши ва қуёш энергиясидан фойдаланиш масаласига қизиқтириши, шунингдек, сайёҳларни жалб қилиши мумкин.
Лойиҳа БМТнинг тараққиёт дастури билан ҳамкорликда амалга оширилмоқда. Компания панда шаклидаги электростанцияларни Марказий ва Жануби-шарқий Осиёнинг бошқа мамлакатларида ҳам қуришга умид қилмоқда. Бундан ташқари, компания ҳайвонот оламининг коала, каркидон каби вакилларидан илҳомланилган лойиҳаларни ҳам ишлаб чиққан.
Изоҳ (0)