АҚШ фуқаролари АҚШ президенти Дональд Трампнинг эмас, балки КХДР етакчиси Ким Чен Иннинг руҳий саломатлиги ҳақида қайғуриши керак. Бу ҳақда Оқ уй матбуот котиби Сара Сандерс журналистлар учун брифингда айтиб ўтди, деб ёзади «ТАСС».
«Бу мамлакат одамлари Шимолий Корея етакчисининг руҳий аҳволидан хавотирланиши керак. У сўнгги йилларда кўп марта ракеталарни синовдан ўтказиб, кўп бора таҳдидларни илгари сурди. Президентимиз қўрқиб қолмайди, заифлик қилмайди ва Америкаликларни ҳимоя қилиши ҳақидаги ваъдасини бажаради», — деди Сандерс.
Шу тариқа у журналистнинг сўрови билан Трампнинг ўз ядро тугмаси Ким Чен Инникидан каттароқ эканлиги ҳақидаги гапини изоҳлади. Мухбир унга америкаликлар ядро қуроли ҳақида бунчалик осонлик билан гапирувчи АҚШ «президентининг руҳий ҳолати ҳақида хавотирланиши керакми?» — дея савол берган эди.
Аввалроқ Трамп Ким Чен Иннинг ўз столи устида ядро тугмаси туриши ҳақидаги баёнотига жавобан, Шимолий Корея халқига ўз раҳбарини Америка давлати раҳбарида ҳам шундай тугма борлиги, аммо у «каттароқ эканлиги ва ишлаши» ҳақида хабардор қилишни таклиф этган эди.
Изоҳ (0)