Эфиопия ҳукумати сиёсий сабабларга кўра маҳкум этилган барча маҳбусларни озод қилиш ниятида. Бу ҳақда мамлакат бош вазири Хайлемариам Десаленга асосланиб «Корреспондент.net» хабар берди.
«Сиёсий маҳбуслар — ҳам жиноий жавобгарликка тортилганлар, ҳам ҳозирда қамоқда бўлганлар — афв этилади ёки уларнинг иши ёпилади», — дейди Эфиопия ҳукумати раҳбари. Бироқ у маҳбусларнинг сонини, озод этилиш санасини ва бошқа батафсил маълумотларни ошкор этмади.
Шунингдек, Десалень кўплаб шов-шувларга сабаб бўлган машҳур Майкелави қамоқхонасининг ёпилишини ҳам маълум қилди. Унинг ўрнида тарихий музей қад ростлайди.
Эфиопия ҳукумати биринчи марта сиёсий маҳбурлар борлигини расман тан олди. 2015 йилнинг охирида мамлакатда ҳукуматга қарши норозилик намойишлари бошланган эди. Human Rights Watch маълумотларига кўра, бир неча ой давом этган ушбу намойишлар юзлаб одамларнинг қурбон бўлишига олиб келган. Бундан ташқари ўн мингдан ортиқ одам ҳибсга олинган, уларнинг 2000 нафари ҳамон озодликка чиққанича йўқ.
Изоҳ (0)