Зимбабве ҳукумати истеъфога чиққан мамлакат собиқ президенти Роберт Мугабега тақдим этилган имтиёзлар ҳақида расмий маълумот эълон қилди, деб ёзади «Корреспондент.net».
Таъкидланишича, собиқ президентга камида олти тансоқчи, икки ҳайдовчи, икки шахсий котиб, икки шахсий ёрдамчи ва икки нафар офис ходими берилади.
Мугабенинг ихтиёрига Зимбабве пойтахти Хараренинг исталган туманидаги тўлиқ жиҳозланган офис тақдим этилади.
Шунингдек, Мугабега майдони беш минг квадрат метрдан кўп бўлмаган шахсий қароргоҳни хизматкорлари билан бирга беришга рози бўлишди.
Бундан ташқари, ҳужжатда хусусий халқаро парвозлар ва мамлакат бўйлаб сафарлар имконияти, Mercedes-Benz S500 Series ёки класс бўйича унга тенг бўлган автомобиль ҳамда фургондан фойдаланиш ҳуқуқи кўзда тутилган. Ёқилғи харажатлари, шунингдек, офис ва қароргоҳдаги коммунал хизматлар ҳукумат ҳисобидан қопланади.
Мугабе ва унинг оиласига тиббий нафақа ваъда қилишмоқда. У ва рафиқаси дипломатик паспорт олиш ҳуқуқига эга.
Изоҳ (0)