Тожикистон собиқ президенти Раҳмон Набиевнинг 78 ёшли беваси мамлакат шимолидаги Хўжанд шаҳрида ёнғин оқибатида ҳалок бўлди, деб хабар беради «НТВ» телеканали.
Фожиа 28 декабрь куни кундузи юз берди. Собиқ президентнинг уйи аланга ичида қолди, уй ичкарисида эса 78 ёшли Майрам Набиева бор эди.
Дастлабки маълумотларга кўра, ёнғинга электр ускуналардан нотўғри фойдаланганлик сабаб бўлган. Ёнғин чоғида уйда ёлғиз бўлган аёл ис газидан заҳарланиб ҳалок бўлган.
Раҳмон Набиев 1991 йил ноябрда Тожикистон президенти этиб сайланган. Аммо келаси йилнинг сентябридаёқ мухолифат босими остида лавозимини тарк этишга мажбур бўлган. Набиев 1993 йилнинг апрелида Хўжанддаги уйида вафот этган.
Изоҳ (0)