Фотоэлектр панеллар билан қопланган биринчи автомобиль йўли Хитойнинг Цзинань шаҳрида очилди, деб ёзади «ТАСС». Бу трассанинг 1,12 километрлик қисми бўлди.
Очилиш маросимида қопламанинг мустаҳкам эканлигини кўрсатиб бериш учун йўлдан биринчилардан бўлиб юк машиналари ва автобуслар юриб ўтди. Фотоэлектр панеллар фавқулодда тўхташ полосасини, шунингдек, шаҳар айланма шоссесининг битта қаторини қоплаб туради.
Маълумотларга кўра, фотоэлектр қоплама майдони 5875 квадрат метрга етади. Ташкилотчилар ҳисоб-китобларига кўра, трассанинг ушбу бўлаги максимал қуввати 817,2 кВт га етади, бу унга йилига қарийб 1 миллион киловатт-соат электр энергияси ишлаб чиқариш имконини беради.
Изоҳ (0)