АҚШ расмийлари Туркияда визалар берилишини тўлиқ тиклади. Бу ҳақда Давлат департаменти маълум қилди, деб хабар беради «Интерфакс».
«Туркияда виза хизматини тўлиқ тиклаш учун хавфсизлик билан боғлиқ вазият сезиларли даражада яхшиланди», — дейилади Давлат департаменти баёнотида.
АҚШнинг Анқарадаги элчихонаси ҳам шу мазмундаги баёнот билан чиқди.
Эслатиб ўтамиз, октябрда Туркияда АҚШ консуллиги ходими мухолифатчи Фатҳуллоҳ Гуленга алоқадорликда гумон қилиниб ҳибсга олинганидан сўнг Анқарадаги АҚШ элчихонаси виза беришни тўхтатган, бунга жавобан Туркиянинг Вашингтондаги дипломатик ваколатхонаси ҳам шундай йўл тутганди.
Изоҳ (0)