АҚШ ҳарбий-ҳаво кучлари Raytheon Missile компанияси билан Amraam ракеталарини ишлаб чиқариш бўйича шартномани имзолади. Бу ҳақда «РИА Новости» хабар бермоқда.
Ўрта масофадаги такомиллаштирилган ҳаво-ҳаво туркумидаги ракеталардан ташқари компания эҳтиёт қисмлар ва телеметрик қурилмалар тайёрлаш билан ҳам шуғулланади. Суммаси 634,2 миллион доллар бўлган шартнома 2020 йил 31 январгача якунланиши лозим.
АҚШ мудофаа вазирлигига кўра, Amraam ракеталари Жанубий Корея, Марокаш, Индонезия, Руминия, Испания, Туркия, Баҳрайн, Қатар, шунингдек, Россия билан чегарадош Польша ва Японияга етказиб берилади.
Изоҳ (0)