Россия Федерацияси тергов қўмитасининг Воронеж вилоятида содир бўлган жиноят иши бўйича тўплаган далилларига асосан, суд Ўзбекистон фуқароси бўлган 39 ёшли аёл ҳамда унинг 30 ёшли ҳамхонасини мамлакат Жиноят Кодексининг 127.1-модда 2-қисми бўйича (одам савдоси) айбдор деб топди, дея хабар берди «Sledcom.ru».
Тергов ҳамда суднинг аниқлашича, аёл 2017 йилнинг 8 сентябрида қиз фарзандни дунёга келтирган, бироқ Россиянинг ФҲДЁ органларида белгиланган тартибда унинг туғилганини рўйхатдан ўтказмаган. 2017 йилнинг 10 октябрь кечаси Воронеж шаҳри ҳудудида у ўзининг хонадоши билан бирга чақалоқни 30 минг рублга номаълум шахсларга сотиб юборишга ҳаракат қилган. Хонадошлар ўзларининг ёвуз ниятини якунлашга улгурмаган, чунки ушбу ҳаракатлар Воронеж вилоятининг ИИВ бош бошқармаси ходимлари назорати остида бўлган ва жиноятчилар қўлга олинган.
Ўзбекистон фуқаролари қилган жиноятларини бўйнига олган. Тергов давомида эркак ва аёл истиқомат қилаётган жойида рўйхатдан ўтмаганлиги ва Россия ҳудудида вақтинча яшаб турганлиги аниқланган.
Суд қарорига кўра ҳамхоналар уч йилга озодликдан маҳрум этилди.
Аввалроқ, қизалоқ ҳозирда болалар уйида эканлиги, унинг ҳаётига ҳеч нарса таҳдид қилмаётгани ҳақида хабар берилганди.
Изоҳ (0)