Мексикада жорий йил сентябрь—ноябрь ойларида 1,2—8,2 магнитудали 12,7 мингдан ортиқ зилзила рўй берди. Бу ҳақда мамлакат миллий сейсмология маркази маълум қилди, дея хабар беради «РИА Новости».
Марказга кўра, энг кўп ер ости силкиниши (5,7 мингта) сентябрда қайд этилди. Айнан шу ойда — 7 ва 19-сентябрда юзлаб кишининг умрига зомин бўлган икки кучли зилзила содир бўлди.
Мексика президенти Энрике Пеня Ньето улардан кўрилган зарарни 48 миллиард песо (2,5 миллиард доллардан ошиқ) баҳолади.
Октабрда салкам 3,8 минг, ноябрда 3,2 мингдан кўпроқ зилзила рўй берди. Ер ости силкинишлари асосан Оахака ва Чьяпас штатларида кузатилади, улардан кейин Герреро, Мичоакан Колима ва Халискони кўрсатиб ўтиш мумкин.
Изоҳ (0)