Самарқанд шаҳрида маънавият ва маърифат хонаси, кутубхона ҳамда тиббиёт хонасига эга кўп қаватли уй ногиронлар ва эҳтиёжманд оилаларга топширилди, деб хабар беради ЎзА.
Янги йил байрами арафасида Самарқанд шаҳридаги 33 нафар ногиронлиги бўлган шахс ҳамда эҳтиёжманд оилаларга замонавий қулайликларга эга хонадонлар калити топширилди.
Шаҳардаги фойдаланилмай турган ётоқхона биноси реконструкция қилиниб, жиҳозланди. Кўп қаватли уйда маънавият ва маърифат хонаси, кутубхона ташкил этилган. Шаҳардаги 7-оилавий поликлиника мутахассислари учун тиббиёт хонаси ажратилган.
2017 йилда Самарқанд вилоятидаги 142 нафар уй-жойга эҳтиёжманд ва кам таъминланган, ногиронлиги бўлган шахслар ва чин етимларга ажратилган уй-жойларнинг бошланғич бадали тўлови ҳомийлик маблағлари ва бошқа манбалар ҳисобидан тўлаб берилди.
1000 га яқин имконияти чекланган фуқарога ногиронлик аравачаси, эшитиш мосламаси ва бошқа зарур воситалар берилди.
Изоҳ (0)