Қирғизистонда жангариларни Сурияга юбориш билан шуғулланган эркак қўлга олинди, деб ёзади KNews мамлакат миллий хавфсизлик давлат қўмитасига таяниб.
Халқаро террорчилик ташкилоти жангариси, 1990 йилда туғилган Қирғизистон фуқароси 13 декабрда қўлга олинган.
У халқаро террорчилик ташкилоти сафида қўпорувчилик-террорчилик бўйича тайёргарликдан ўтган ва Сурияда ҳукумат қўшинларига қарши жанговар ҳаракатларда фаол иштирок этган. Ташкилот бошлиқлари буйруғи билан у Қирғизистонга қўпорувчилик акцияларини амалга ошириш ва Қирғизистондан жангариларни Сурияга юборишнинг янги каналларини шакллантириш мақсадида етиб келган.
Жиноят иши қўзғатилди. Маҳбус тергов изоляторига жойлаштирилди. Тергов олиб борилмоқда.
Изоҳ (0)