Ливан бош вазири Саъд Ҳаририй ноябрда Саудия ҳукумати босими остида ўз лавозимини тарк этишини маълум қилган, деб ёзади «Газета.ru» The New York Times’га таяниб.
Хабар берилишича, истеъфо ҳақида оммага эълон қилишдан бир кун аввал Ар-Риёдга ташриф билан етиб келган Ҳаририйни уй қамоғига олишган. У ерда ундан телефонини олиб қўйишган ва тансоқчиларсиз қолдиришган. Шундан сўнг Ҳаририйга ўз ваколатларини топшириш ҳақида айтиладиган нутқ матнини беришган.
ОАВлар Саудия ҳукумати Ҳаририйни куч билан ушлаб тургани ҳақида аввал ҳам ёзган эди.
Аммо NYT қайд этишича, Ливан бош вазирини ҳибсга олиш ташаббусчиси Саудия Арабистони валиаҳд шаҳзодаси Муҳаммад бин Салмон бўлган. Шу тариқа у Эроннинг ҳудуддаги авторитетини чекламоқчи бўлган.
Шунга қарамай, деб ёзади газета, бин Салмоннинг режалари охиригача амалга ошмай қолди, чунки Ҳаририй атрофидаги вазият унга машҳурликни қайтариб берди. Бундан ташқари, ноябрь охирида унинг ўзи Ливан бош вазири лавозимини тарк этиш фикридан қайтганини эълон қилди.
Изоҳ (0)