АҚШнинг Иллинойс штати Чикаго шаҳрида яшовчи эркак ўзи билан бирга яшаган рафиқасининг вафот этганини бир ой сезмади, деб хабар беради Chicago Sun Times.
60 ёшли Стивен Сейлернинг сўзларига кўра, у бир ой давомида ётоқхонасидан ғалати ҳид чиқаётганини сезса-да, рафиқасининг ҳолидан хабар олмаган.
58-ёшли Тамара Уилсон 10 декабрь куни ётоқхонасидан устига кўк брезент парчаси ёпилган ҳолда топилди. Полициячилар марҳуманинг қизи онаси анча вақтдан бери алоқага чиқмагани учун хавотир олиб, улардан онасидан хабар олишни сўраганидан сўнг уйга кирган.
Ўз навбатида, Сейлер қизи қўнғироқ қилмагунига қадар рафиқасининг вафот этганини сезмаганини маълум қилган. Бироқ, полициячилар унинг сўзларига шубҳа билан қарамоқда.
Эркак 19 декабрь куни ўз хонадонида қўлга олинган. Унинг ёнидан марҳум рафиқасининг паспорти, унинг кредит картаси, туғилганлик ҳақидаги гувоҳномаси ва никоҳ узуги бўлган. 22 декабрь куни у уй қамоғига маҳкум этилган.
Сейлер октябрь ойида суд томонидан уйдаги зўравонлик ва куч ишлатишда айбдор деб топилган эди. Суд эркакка уйига алкоголь ёки наркотик таъсирида қайтишни тақиқлаган эди.
Кузатув камераларидаги ёзувларга кўра, полиция унинг рафиқасининг жасадини топгунига қадар беш кун ичида у ҳар куни уйга кириб, чиқиб почтасини текшириб юрган.
Жуфтлик 2014 йилда турмуш қурган, уларнинг 22 ёшли қизи бор.
Изоҳ (0)