Фарғонада вилоят тадбиркорлари ва Хитойнинг Цзянсу провинцияси ишбилармон доиралари вакиллари иштирокида бизнес-семинар бўлиб ўтди. Бу ҳақда ЎзА хабар бермоқда.
Бизнес-семинарда машинасозлик, фармацевтика, тўқимачилик, қурилиш, озиқ-овқат, кимё саноати, электротехника, муқобил энергия манбалари, замонавий технологиялар, қишлоқ хўжалиги маҳсулотлари ишлаб чиқариш соҳаларида фаолият юритаётган 100 га яқин концерн ва компания вакиллари иштирок этди.
«Цзянсу провинциясида замонавий саноат ривожланган бўлиб, Хитойда етакчи ўринлардан бирини эгаллайди. Бугун Фарғона вилоятидаги иқтисодий имкониятлар билан яқиндан танишдик. Юртингизда тадбиркорлик учун катта имтиёзлар берилаётгани эътиборга сазовор», — дейди Jiangsu компанияси директор ўринбосари Цзя Йинке.
Тадбирда вилоятнинг иқтисодий салоҳияти ва бу ердаги инвестиция муҳити хусусида маълумотлар тақдим этилди. Турли соҳаларда ўзаро манфаатли ҳамкорликни янада кенгайтириш бўйича қатор инвестициявий шартномалар имзоланди.
Изоҳ (0)