Тошкент шаҳрида Ўзбекистон ва Венгрия ҳукуматлари ўртасида таълим, фан ва маданият соҳаларидаги ҳамкорлик тўғрисидаги битимни имзолаш маросими бўлиб ўтди. Бу ҳақда ТИВ матбуот хизмати хабар бермоқда.
Битим Олий ва ўрта махсус таълим вазири Ином Мажидов ва Венгриянинг Ўзбекистондаги Фавқулодда ва мухтор элчиси Петер Санто томонидан имзоланди.
Мазкур ҳужжат икки давлат олий ўқув муассасаларида таълим олиш учун квоталар бериш, биргаликда илмий тадқиқотлар ҳамда маданий тадбирлар ўтказиш орқали таълим, фан ва маданият соҳаларида ҳамкорликнинг ҳуқуқий асосларини яратади.
Битим амалий бажарилиши мақсадида икки мамлакат вазирликлари, идоралари ва муассасалари вакилларидан иборат қўшма ишчи гуруҳ тузиш кўзда тутилмоқда.
Изоҳ (0)