Нью-Йоркдаги уйида рўй берган ёнғин оқибатида она ва унинг уч нафар боласи ҳалок бўлди. Бу ҳақда New York Post хабар бермоқда.
Ёнғинга оила бошлиғи Йозеф Азан томонидан ёқилган ханукия сабаб бўлди. У турмуш ўртоғи ва 6 нафар боласи яҳудийлар байрами — Хануканинг олтинчи кечасини нишонлаганди. Ухлашдан аввал оловни ўчирмаганлари сабабли парда аланга олди, сўнг олов диван ва гиламга туташди.
Уйғониб кетган Йозеф 16 ёшли қизи Шалит ва 15 ёшли ўғли Даниэлни қутқаришга улгурди. Улар юқори қаватдан ўзини пастга отди ва оғир ҳолатда касалхонага етказилди. Яна бир ўғил — 13 ёшли Авраам амакиваччаси билан биринчи қаватда тунаганди. Улар ёнғин сигнализацияси овозини эшитиб, кўчага югуриб чиқди ва омон қолди.
Хабар газетада эълон қилинган пайт Йозеф Азан ҳушсиз ҳолатда эди. Унинг турмуш ўртоғи ва уч фарзанди жасади қайнотаси истиқомат қиладиган Исроилга жўнатилди.
Изоҳ (0)