Футболчиларнинг тахминий нархларини тақдим этиши билан машҳур бўлган Transfermarkt.de портали ўзбекистонлик футболчиларнинг жаҳон бозорида қанча туриши ҳақидаги маълумотларини янгилади.
Энг яхши ёш футболчи ва энг яхши хорижий мураббий «Пахтакор»да экани маълум бўлди
Шундан келиб чиқиб, мамлакат Олий Лигаси клубларининг ҳам умумий нархи келиб чиқди. «Қўқон-1912» клуби матбуот хизмати чемпионатдан четлаштирилган «Обод»дан бошқа барча клубнинг умумий нархини ҳисоблаб чиқди. Унга кўра, футболчиларининг умумий нархи борасида Тошкентнинг икки гранди — «Локомотив» ва «Пахтакор» тенг кўрсаткичга эга.Матбуот хизмати ҳар бир клубнинг энг қиммат футболчиларига ҳам эътибор қаратган. Унга кўра, «Пахтакор» ҳужумчиси Игорь Сергеев ички чемпионатда тўп сурадиган энг қиммат ўзбекистонлик эканини кўриш мумкин. Унинг нархи жамоадоши — черногориялик Марко Симичники билан тенг.
«Насаф» умумий нарх борасида «Бунёдкор»ни ортда қолдирган. «Қалдирғочлар» худди Олий Лигада тўртинчи бўлгани каби, умумий нархда ҳам шу кўрсаткични такрорлаб турибди. «Навбаҳор» клуби умумий нарх борасида «Бухоро», «Қўқон-1912», «Олмалиқ» ва «Машъал»дан олдинда бўлмаса ҳам, чемпионатни 5-ўринда якунлай олгани диққатга сазовор.
Қуйида энг қиммат клублар ва айни бир клуб сафидаги энг қиммат футболчилар рўйхати келтирилган.
Изоҳ (0)