Yaqinda internetda Galaxy A8 va A8 Plus aks etgan yangi videorolik paydo bo‘ldi, deb yozadi Hi-Tech Mail.Ru. U barmoq izi datchigi smartfonning orqa panelida — kamera modulidan sal pastroqda joylashishini tasdiqladi.
Smartfonning orqa panelida asosiy kameraning 16 megapikselli bittalik sensori, old panelda esa 8 megapikselli sensor joylashgan. Old kamera, shuningdek, yuzni tanib olish funksiyasini ham bajaradi.
Video Galaxy A8 romsiz Full HD Super AMOLED displey bilan jihozlanishini ham ko‘rsatdi, u 18:9 nisbatda va 5,5 dyuymli bo‘ladi (A8 Plus’da 6 dyuym). Smartfonning yon qismlarida stereodinamiklar joylashgan, ovozli yordamchini chaqiruvchi tugmalar esa yo‘q.
Video muallifi ma’lum qilishicha, qurilma Exynos 7885 chipi, 6 Gb va 4 Gb tezkor hamda 64 Gb / 32 Gb doimiy xotira, 3000 mA/soat sig‘imli batareya (Galaxy A8 Plus’da — 3500 mA/soat) bilan jihozlangan.
Qurilmalar chiqariladigan sana noma’lum, ammo ular 2018-yil yanvarida taqdim etilishi taxmin qilinmoqda.
Izoh (0)