Samsung Galaxy S9 ва S9+ смартфонларининг янги рендерлари пайдо бўлди, деб ёзади Hi-Tech Mail.Ru.
Уларга қараганда, 2018 йилги флагманда бармоқ изи сканери Galaxy S9 даги битталик ёки S9+ даги қўш камера пастига жойлаштирилади. Шунингдек, тасвирлардан маълум бўлишича, иккала модель ҳам турли-туман рангларда, шу жумладан, Midnight Black, Silver Titanium, Orchid Grey, Ocean Blue ва Maple Gold тусларида чиқарилади.
Дастлабки маълумотлар бўйича, Galaxy S9 да 5,8 дюймли Super AMOLED экран, Exynos 9810 чипи, 4 Гб / 6 Гб тезкор ва 64 Гб / 128 Гб доимий хотира бўлади. Тахминларга кўра, Samsung янги флагманини 2018 йил 26 февралда Барселонада очиладиган MWC 2018 конференциясида тақдим этади.
Изоҳ (0)