Apple компанияси iTunes мусиқа дўконини ёпишни режалаштирмоқда. Бу ҳақда Weraveyou порталига таяниб, «РИА Новости» хабар берди.
Журналистларнинг маълумотларига кўра, сўнгги вақтларда iTunes треклари савдосида кескин пасайиш кузатилган. Компания раҳбарияти мусиқага бўлган истеъмол моделида ўзгариш содир бўлди деган хулосага келди ва Apple Music доирасида ўзининг хусусий оқимли хизматини ишга туширишга қарор қилди. Бу орқали у SoundCloud, YouTube ва Spotify’нинг рақобатчисига айланади.
Порталда келтирилишича, сервис 2019 йилнинг бошида ёпилади. Шу билан бирга iTunes’даги барча композициялар Apple Music’га ўтказилади.
Изоҳ (0)