БМТнинг ҳаддан ташқари қашшоқлик масаласи бўйича махсус маърузачиси Филип Олстон АҚШда 40 миллиондан ортиқ одам ёки мамлакатнинг ҳар саккизинчи фуқароси қашшоқликда кун кўраётгани ва бу рақам Америка президенти Дональд Трамп ҳаракатлари туфайли ўсиши мумкинлигини маълум қилди, деб ёзади «Корреспондент.net».
«Америка орзуси шиддат билан Америка иллюзиясига айланмоқда. Бу ҳозирда АҚШда кишиларнинг ўз ижтимоий мақомини ошириш имконияти дунёнинг бошқа исталган бой давлати билан таққослаганда энг паст даражада эканлиги туфайли юз бермоқда», — дейди Олстон.
БМТ экспертининг сўзларига қараганда, АҚШ дунёнинг энг бой, энг кучли ва технологик инновацион мамлакатларидан бири бўлишига қарамасдан, мамлакатнинг на бойлиги, на унинг кучи ва на технологиялари қашшоқлик шароитида кун кечираётган 40 миллион кишига ёрдам кўрсатиш учун қўлланиляпти.
Трампнинг сиёсати туфайли мамлакатдаги қашшоқлик кўлами фақат ошиб боришига унинг ишончи комил. Жумладан, Олстон фикрича, Оқ уйнинг солиққа тортиш соҳасидаги янги ёндашуви энг камбағал америкаликларнинг 20 фоизи учун вайронкор оқибатларга олиб келиши мумкин.
Изоҳ (0)