Тошкент вилоятининг айрим аҳоли пунктларида жисмоний ва юридик шахсларга қурилиш учун ер майдонларини сотишга вақтинчалик тақиқ ўрнатилди. Бу аҳоли пунктлари бош режаларининг ишлаб чиқилаётгани билан боғлиқ, деб хабар берди «Газета.uz».
Ўзбекистон Вазирлар Маҳкамасининг 12 декабрдаги қарори билан бинолар ва бошқа объектлар, жумладан, муҳандислик-коммуникация иншоотларини қуриш, реконструкция қилиш ва уларга ўзгартишлар киритиш, шунингдек, тегишли рухсатномаларни бериш вақтинчалик тўхтатилди.
Қарор Зангиота, Қибрай, Тошкент, Қуйи Чирчиқ, Ўрта Чирчиқ, Юқори Чирчиқ ва Янгийўл туманларига тааллуқли.
Киритилган чекловлар Президент ва ҳукумат қарори билан намунавий лойиҳалар асосида якка тартибдаги қишлоқ уйларини қуриш билан боғлиқ муносабатларга тегишли эмас.
Аҳоли пунктлари рўйхати ушбу ҳаволада келтирилган.
Изоҳ (0)