Хитойнинг Meizu компанияси MediaTek билан ҳамкорликни бекор қилади, деб ёзади Hi-Tech Mail.Ru. Meizu қурилмаларининг кўпчилиги шу пайтгача айнан ушбу компания чипларига асосланган эди.
2018 йилнинг биринчи ярмида тақдим этиладиган смартфонларнинг олтитасидан бештасига Qualcomm Snapdragon процессорлари ўрнатилади, қолган биттаси эса Samsung’нинг Exynos процессори билан жиҳозланади.
Ушбу смартфон Meizu 15 Plus бўлади, юбилей қурилмасини чиқариш орқали компания келаси йилда ўзининг 15 йиллигини нишонлайди. Смартфоннинг илк тасвирлари аллақачон интернетда тарқалиб улгурди.
Смартфон Exynos 9810 процессори, ҳақиқий ромсиз экранга эга бўлади, олд панелнинг пастки ромида селфи учун камера сенсори ва бармоқ изи сканери жойлашади.
6 Гб тезкор хотирали Meizu 15 Plus тахминан 450 доллар нархда сотилади. Шунингдек, тезкор хотираси 8 Гб ва доимий хотираси 128 Гб бўлган версия ҳам чиқарилиши мумкин, у 530 доллардан сотилади. Смартфон оқ ва қора рангларда бўлади.
Изоҳ (0)