Чет эллик жангарилар Сурия ва Ироқда урушлар давом этаётган нуқталардан Африканинг Сахель тропик чўли, «Африка шохи» ва Чад кўли ҳавзаси яқинига қочмоқда, деб ёзади «ТАСС» Жазоир ташқи ишлар вазирлигига таяниб.
Вазирлик вакили сўзларига кўра, Жазоир ҳукумати минтақа мамлакатлари хавфсизлиги ва барқарорлиги учун таҳдид даражасини тўлиқ кўламда баҳоламоқда.
«Мафкуравий жиҳатдан яхши тайёрланган, ҳарбий малакаларни ўрганган ва кўпинча интернет ва ижтимоий тармоқлардан фойдаланишни жуда яхши биладиган ушбу жиноий элементлар ўзлари келган жойларда партизанлар уруши кўринишида қўпорувчилик фаолиятини олиб бормоқда», — дейилади хабарда.
Шунингдек, ТИВ хабарида таъкидланишича, «террорчилик фаолиятларига аралашган ва Африкага қайтмоқчи бўлган ёш африкаликлар сони минглаб кишига етади». Шу тариқа, «кўпчилик Африка мамлакатларида шундоқ ҳам чекланган ресурсларга босим ўсмоқда», — деб ҳисоблайди муассаса.
Изоҳ (0)