1960 йилларда Ленинграддаги 281-ўрта мактабда Россиянинг амалдаги президенти Владимир Путинга немис тилидан дарс берган Мина Моисеевна Юдицкая 96 ёшида Исроилда вафот этди, деб ёзади «ТАСС» Россиянинг яҳудий мамлакатидаги элчихонасига таяниб.
«Мина Моисеевнанинг дафн маросими 7 декабрь куни Петах-Тиква шаҳрида бўлиб ўтди. Элчихона дафн маросимини ташкиллаштиришда ёрдам кўрсатди ва у ерга ўз вакилини юборди», — деди элчихонадагилар.
Юдицкая аввалроқ Исроил ОАВларига 1973 йилда Россиядан кўчиб ўтганини маълум қилган эди. Россия етакчиси 2005 йилда яҳудий давлатига ташрифи чоғида ўз ўқитувчиси билан учрашган, шундан кейин унга совғалар юбориб, алоқада бўлиб турган эди.
Изоҳ (0)