Американинг Атланта шаҳридаги аэропортда барча рейслар бекор қилинди, деб ёзади «Газета.ru» ёнғин хизматига таяниб.
«Атланта аэропортида барча рейслар бекор қилинди. Аэропорт ходимлари барча йўловчиларни самолётлар ва терминаллардан чиқаришга ҳаракат қилмоқда», — дейилади ёнғин хизмати Twitter’ида.
17 декабрь куни кундузи Хартсфилд-Жексон аэропорти электр токидан узилиб қолди. Шу муносабат билан у рейсларни қабул қилмай қўйди.
Йўловчилар ижтимоий тармоқларда терминаллардаги хоналардан чиқолмай қолгани ҳақида шикоят қила бошлади.
Хартсфилд-Жексон аэропорти дунёдаги энг тирбанд аэропорт ҳисобланади. Ҳар куни бу ердан 2,5 мингта самолёт ва 275 минг нафар йўловчи ўтади.
Изоҳ (0)