Тошкент шаҳар ИИББ ходимлари томонидан 2017 йилнинг 14 декабрь куни ўтказилган «Тозалаш-Антитеррор» тадбири давомида муқаддам судланган Равшан Усмонов ва Жамила Усмонова Мирзо Улуғбек тумани, Буюк ипак йўли кўчаси бўйлаб ҳаракатланиб кетаётган автобусда ўғирлик қилгани аниқланган. Бу ҳақда Тошкент шаҳар ИИББ хабар берди.
Икки шерик йўловчи С.У.нинг чалғиганидан фойдаланиб, унинг эгнидаги кийимидан баҳоси 500 минг сўм бўлган Lenovo русумли уяли телефонини ўғирлаб, жиноят жойидан яширинган.
Мазкур ҳолат юзасидан Мирзо Улуғбек тумани ИИБ ҳузуридаги Тергов бўлими томонидан Ўзбекистон Республикаси Жиноят Кодексининг 169-моддаси 2-қисми «а» ва «в» бандлари билан жиноят иши қўзғатилган.
Ҳозирда дастлабки тергов ҳаракатлари давом эттирилиб, уларнинг бошқа жиноятларга алоқадорликлари текширилмоқда.
Изоҳ (0)