Ўзбекистон Украинага болалар кийим-кечагини етказиб беришни бошлади

Ўзбекистоннинг Киевдаги элчихонаси томонидан ўтказилган икки давлат ишбилармонлари учрашувидан сўнг Ideal корхонаси Украинада 45 та гипермаркетга эга бўлган «Эпицентр» савдо марказига ўз маҳсулотларини етказиб беришни бошлади. Бу ҳақда «Жаҳон» ахборот агентлиги хабар бермоқда. 

Савдо маркази минтақавий директори Б. Артари-Колумбга кўра, корхонанинг тоза пахтадан тайёрланган болалар курткаси ва комбинезонлари бозори чаққон бўлмоқда.

«Шу сабабли ўзбекистонлик шериклар билан маҳсулот тури ва етказиб бериш ҳажмини кенгайтириш масалаларини муҳокама қиляпмиз. Ўзининг сифати ва қулай нархлари туфайли Ўзбекистондан келтириладиган текстил маҳсулотлари Украина бозорида мустаҳкам ўрин эгаллашига ишончим комил», — деди «Эпицентр» минтақавий директори.