АҚШнинг Такома шаҳрида яшовчи эркак ўғрини портловчи қопқон билан қўрқитди ва уларнинг қочишини видеога олди. Бу ҳақда Daily Mirror хабар берди.
Жайрим Барроу ёғоч қути, патрон ва балиқ ови қармоғидан сохта жўнатма қутисини ясаган ва уни уйининг олдида қолдирган. Кузатув камералари воқеаларни тасвирга олган. Ўғри уйнинг олдига келиб, қутини кўтаришга ҳаракат қилган. Қармоқ тортилиб, патрон портлаган. Қаттиқ портлаш овози ўғрини қўрқитган ва у шошилганча орқага қочган.
Барроу доимий равишда уйи олдидаги жўнатмалар йўқолаётгани сабабли қопқонни ўйлаб топган. Сўнгги марта у буюртма қилган автомобилнинг қиммат эҳтиёт қисмлари йўқолган. Бироқ, камералар ўғрини тасвирга олган ва бу ўғирланган буюмларни қайтаришга ёрдам берган.
Изоҳ (0)