Днепропетровск вилоятидаги қишлоқлардан бирида 10 ёшли бола топиб олинган қўлбола ўқотар қурол билан 2 ёшли синглисини отиб қўйди. Бу ҳақда Украина миллий полицияси раҳбари ўринбосари Вячеслав Аброскин маълум қилди, дея хабар беради «Корреспондент.net».
Полиция мансабдорига кўра, ота-она 4 нафар боласини бобосига қолдириб, иш билан кетади. Кўп ўтмай бобо бозорга йўл олади, болалар эса ёлғиз қолади.
«Кўчада ўйнаб юрган 10 ёшли бола чиқиндихонадан қўлбола ўқотар қурол топиб олади. Топилмани бошқа болаларга кўрсатиш учун уйга олиб келади ва тасодифан ўқ узиб, икки ёшли синглисини ўлдириб қўйди», — дея ёзув қолдирди Аброскин Facebook’даги саҳифасида.
Изоҳ (0)