Португалиялик мутахассис Андре Виллаш-Боаш ўз хоҳиши билан истеъфога чиққан Хитойнинг «Шанхай СИПГ» футбол клубини, энди бошқа бир португалиялик Витор Перейра бошқарадиган бўлди.
Одил Аҳмедовни «Шанхай СИПГ» клубига таклиф қилган Виллаш-Боаш Хитойни тарк этди
«Оламспорт» нашининг қайд этишича, мураббий билан шартнома қанчага мўлжаллангани ва унинг шартлари ҳозирча маълум эмас. Перейра мураббийлик фаолиятини 1999 йилда бошлаган бўлиб, 2013 йилга қадар Португалия клубларини бошқарган. Кейин Саудиянинг «Ал-Аҳли» клуби билан бир йиллик келишувга эришган. У, шунингдек, Грециянинг «Олимпиакос», Туркиянинг «Фенербахче», Германиянинг «Мюнхен-1860» клубларини бошқарган.Витор Перейра бошқарувида «Порту» кетма-кет икки мавсум Португалия чемпионлигини қўлга киритган. 2011 ва 2012 йилларда эса мамлакат Суперкубогида зафар қучган. Мураббий, шунингдек, Грециянинг «Олимпиакос» клуби билан мамлакат чемпионлигини ва кубогига эришган. У айни вақтда 49 ёшда.
Мутахассис эндиликда Ўзбекистон миллий терма жамоаси сардори Одил Аҳмедов, бразилиялик футболчилар Оскар, Халк ҳамда Элкесен каби легионерларга устозлик қилади.
Изоҳ (0)