«ЎзРTХБ» АЖ (Республика товар-хом ашё биржаси) «Авторақам» савдо платформасида онлайн аукционлар иштирокчилари учун «SMS хабар» янги хизмат турини ишлаб чиқди ва жорий этди. Бу ҳақда биржа матбуот хизмати хабар бермоқда.
Мазкур хизматдан фойдаланган ҳолда, автоҳаваскорлар қизиқтираётган авторақамларнинг савдога қўйилиши бўйича маълумотларни тезкор тарзда олишлари, ҳамда маълум лотга обуна бўлиб, унинг ҳолатини мунтазам равишда кузатиб боришлари мумкин.
«SMS хабар» хизмати мижозга қизиқтираётган авторақам бўйича савдо вақтини ўтказиб юбормаслик ва сотиб олинган авторақамни тўловини амалга оширишнинг аниқ вақти ва уни рўйхатдан ўтказиш жойини билиб олиш имконини тақдим этади. SMS хабарлар хизматга уланишда кўрсатилган телефонга келиб тушади.
Биржанинг янги хизматига уланиш учун avtoraqam.uzex.uz вебсайтининг мижозлар учун шахсий кабинетида «SMS» саҳифасига ўтиш ва офертани қабул қилишнинг ўзи кифоя. Хизмат учун ойлик абонент тўлови 10 000 сўмни ташкил этади.
Изоҳ (0)