Россия АҚШга бир-бирининг ички ишларига аралашмаслик ҳақида келишиб олишни таклиф этганди, бироқ Қўшма Штатлар расмийлари бундан воз кечди. Бу ҳақда, АҚШ маъмуриятидаги уч манбага таяниб, BuzzFeed портали маълум қилди, деб хабар беради «Коммерсантъ».
Порталга кўра, аралашмаслик ҳақидаги ғоя Россия ташқи ишлар вазири ўринбосари Сергей Рябковнинг АҚШ Давлат котиби ўринбосари Томас Шеннон билан шу йил 17 июлдаги музокаралари давомида билдирилди.
Россия ТИВ вакили Америка томонига Москва ва Вашингтон бир-бирининг ички сиёсатига аралашишни тўхтатиши ҳақидаги «дадил таклифни ўз ичига олган ҳужжат»ни тақдим этди.
Таклифни ўрганиб кўриб, Қўшма Штатлар уни қабул этмасликка қарор қилди. «Биз ‘сизларга катта раҳмат, бироқ ҳозир бунинг мавриди эмас’, деб айтдик», деди АҚШ Давлат департаменти вакили.
Изоҳ (0)