Олмаота—Бангкок йўналиши бўйича рейсни амалга ошираётган Air Astana авиакомпанияси самолёти 10 декабрь, якшанба куни парвоз олдидан бошқарув давомида учиш-қўниш йўлагидан ташқарига чиқиб кетди. Бу ҳақда компаниянинг корпоратив коммуникациялар департаменти маълум қилди, деб ёзади «ТАСС».
Хабарда таъкидланишича, ҳодисага самолёт ғилдираклари йўлак юзаси билан қониқарсиз тишлашиши туфайли самолётни учиш-қўниш йўлаги чегарасида тўхтатишнинг имконсизлиги сабаб бўлган.
«Самолёт тормоз тизими соз ҳолатда. Самолёт кўздан кечириш ва бундан кейин фойдаланиш юзасидан қарор чиқариш учун махсус техника ёрдамида тўхташ жойида шатакка олинган. Барча йўловчилар Бангкокка бошқа ҳаво кемаси билан жўнатилган», — дейилади компания хабарида.
Республика фуқаролик авиация қўмитасининг маълум қилишича, Қозоғистон расмийлари ҳодиса сабаблари юзасидан суриштирув бошлаган.
Изоҳ (0)