Ёқутистоннинг Мегино-Кангалас туманида, Нижний Бестях аҳоли яшаш пунктидан 16 километр узоқда рўй берган ЙТҲ оқибатида ҳалок бўлганлар сони 9 кишига етди. Бу ҳақда ФВВ вакилининг маълумотларига таяниб, «Газета.ru» хабар берди.
«Сўнгги маълумотларга кўра, авария оқибатида 9 киши ҳалок бўлган, жумладан, 2 ёшли болакай ҳам. Уч киши жароҳат олган», — деди ФВВ вакили.
Аниқланишича, яна тўрт нафар одамнинг жасади ёниб кетган «УАЗ»нинг конструкциясини тозалаш вақтида аниқланган.
«Ҳалок бўлганларнинг шахсини аниқлаш ва уларнинг қариндошларини топиш бўйича чора-тадбирлар кўрилмоқда», — дейди идора вакили.
Аввалроқ, Россиянинг Ёқутистон Республикасида микроавтобус ва юк машинаси тўқнашиб кетганлиги ҳақида хабар берилган эди.
Изоҳ (0)