Россиянинг Санкт-Петербург шаҳрида бир эркакнинг ўлимидан сўнг жиноий иш қўзғатилди. Унга кўра эркакнинг рафиқаси тез тиббий ёрдам шифокорларини чақирувга келишга ишонтира олмаган ва натижада эркак вафот этган. Бу ҳақда Санкт-Петербург прокуратураси томонидан маълум қилинган.
Хабар берилишича, 16 ноябрга ўтар кечаси бемор эркакнинг рафиқаси тўрт марта тез ёрдамга қўнғироқ қилган. Барча қўнғироқлар икки нафар навбатчи фелдшер томонидан узиб қўйилган. Улар эрталаб ҳудуд бўйича масъул шифокорни чақиришни тавсия қилиш билан чегараланган.
Бу ҳаракатлар эркакнинг ўлимига олиб келган, чунки унга тиббий ёрдам чақирувдан 10 соат ўтгач кўрсатилган.
Тергов қўмитасининг ҳудудий бошқармаси маълумотларига кўра, эркак безгакдан шикоят қилган. У 16 ноябрь куни кундузи кучли инфексион касалликдан вафот этган.
Изоҳ (0)