Россиянинг Ростов-на-Дону шаҳрида тўрт кишидан иборат гуруҳ кўп қаватли уйлардан бирининг кириш қисмидан сурат ўғирлашга уриниб кўрди. Улар Лондондаги Тауэр кўприги туширилган суратни кўчага олиб чиққан ва уни машинага жойлаштиришга ҳаракат қилган. Ҳолат акс этган видеони TJournal тақдим этди.
Видеода кўринадики, бир нафар йигит, икки нафар қиз ва бир нафар ёш қизчадан иборат гуруҳ зинадан кўтарилган. Йигит суратни олиб, уни дарҳол кўчага олиб чиққан. Шундан сўнг улар суратни автомобилга жойлаштиришга ҳаракат қилган, бироқ сурат жуда катта бўлгани учун у машинага жойлашмаган.
Натижада йигит «ўлжа»дан воз кечишга мажбур бўлган. У суратни уйнинг кириш қисмига олиб келган ва эшикка суянтириб қўйган, кейин эса шериклари билан воқеа жойидан ғойиб бўлган.
Изоҳ (0)