Хитой авиакомпанияси тармоқда стюардессалардан бири йўловчиларга тарқатилмай қолган таомни истеъмол қилаётгани акс этган видео пайдо бўлганидан сўнг қизни ишдан четлатди. Бу ҳақда «Вести.ru» хабар бермоқда.
Лавҳа Urumqi Air авиакомпанияси рейсларидан бирида йўловчи томонидан самолёт қўнишидан сал аввал тасвирга олинган. Кадрларда қиз қутиларга жойлаштирилган егуликдан тотиб кўраётгани акс этган.
Компания стюардесса ҳаво кемаси бортидаги истеъмол қилинмаган таомдан фойдаланиш тартибини бузгани ва ишдан четлатилганини билдирди.
Хитойдаги кўплаб интернет фойдаланувчилари стюардессани ҳимоя қилиб чиқди ва барибир ташлаб юбориладиган таомдан тотишнинг ҳеч бир қўрқинчли жойи йўқлигини таъкидлади. Буни тасвирга олган ва тармоққа жойлаштирган йўловчини тентакка чиқарганлар ҳам бўлди.
https://youtu.be/JveZphNQpnw
Изоҳ (0)