Dartagnans краудфандинг платформасининг 6,5 минг фойдаланувчиси Франциянинг ғарбида жойлашган Мот-Шанденье қалъасини сотиб олди. Улар бунинг учун беш кундан камроқ вақт ичида 500 минг евро йиғди. Энди улар архитектура ёдгорлигини таъмирлаши керак, деб ёзмоқда TJournal.
Маблағ йиғиш 1 декабрь куни тунда бошланган. Харид учун пул қўшган ҳар бир киши акционерга айланади ва қалъани тиклаш ишларини кузатиш ҳуқуқига эга бўлади. Лойиҳага 51 евродан кўпроқ қўшган акционерлар қалъага 2018 йилнинг бошида ташриф буюриши мумкин бўлади. Ҳозирча бинода яшаб бўлмайди. Унинг томи бузилган ва деворлари кўчиб тушган, таъмирлаш ишлари 2018 йилнинг баҳорида бошланади.
XIII асрда барпо этилган Мот-Шанденьенинг эгаси 2013 йилдан буён янги харидорларни излаган. Кампания якунига етиши учун бир миллион евро йиғилиши керак. Муаллифлар қалъани қайта тиклаб, унга иккинчи ҳаёт бериш учун таъмирлаш ишларига маблағ топишни режалаштирмоқда.
Изоҳ (0)