XV асрда шифокорлар Скандинавия қиролларидан бирига занжабил истеъмол қилишни тавсия этган: бу уни ғам-ғуссадан даволаши керак бўлган. Бергенда йилнинг энг қоронғу ойида бахт ва байрамона кайфият рамзи сифатида занжабилли пряниклар шаҳри пайдо бўлади, деб хабар берди National Geographic.
Биринчи занжабилли пряник Европага қадимий Никополь шаҳридан 992 йилда арман роҳиби Григорий томонидан олиб келинган, Скандинавияда эса ширинлик XIII асрда пайдо бўлган. Уни биринчи бор Vadstena швед аббатлигининг роҳибалари еб кўриб, пряник нафақат ширин, балки овқат ҳазм қилишдаги муаммоларни ечишда ёрдам беришини аниқланган. Орадан икки аср ўтгач Дания, Норвегия ва Швецияни бошқарган қирол Иоганнинг қорни оғриганида шифокорлар унга занжабилли пряник ейишни тавсия қилган. ХVII асрдан бошлаб пряник бутун Европа бўйлаб кенг сотила бошланган, шунингдек, тиббиёт воситаси сифатида ишлатилган: уни дорихона ва ибодатхона дўконларидан сотиб олиш мумкин эди.
Норвегияда пряниклар Pepperkaker деб аталади ва жуда юпқа хамирдан тайёрланади. 1991 йилдан буён Бергеннинг асосий майдони — Torgallmenningen’да ноябрь ойининг ўртасидан 31 декабрга қадар Pepperkakebyen пряниклар шаҳри қад ростлайди.
Ўзининг улкан ўлчамига қарамай, у дунёдаги энг йирик «пряник шаҳар» ҳисобланмайди: ушбу унвон Нью-Йоркдаги GingerBread Lane’га насиб қилган.
Pepperkakebyen рекорд учун курашда тўғри келмайдиган мезонлар сабабли чиқиб кетган: Гиннеснинг мутахассислари қурилган комплексни «бутунлай еб бўлсагина» инобатга олади. Натижада 1020 та пряник уйчаларга эга GingerBread Lane норвегларнинг 2000 дан ортиқ бинолари жойлашган «шаҳрини» ортда қолдирган.
Изоҳ (0)