Буюк Британиянинг Ланкашир графлиги расмийлари Ротенстолл шаҳри фуқаросини уйининг ер остига тушиб кетгани учун жарима тўлашга мажбур қилди. Бу ҳақда The Sun хабар берди.
Ўтган йилнинг апрель ойида Понке Миа ўз уйининг тагида катта чуқур борлигини пайқаб қолган. Иншоотнинг бир қисми бино остидан ўтувчи коллекторнинг ичига тушиб кетган. У маҳаллий ҳокимият муаммони бартараф этишда қисман бўлса ҳам ёрдам беради, деб ишонган.
Бироқ округ мутассаддилари бинонинг бузилишида айб фақат уйнинг эгасида, деб ҳисоблаган. Эркакка 55 минг фунт стерлинг миқдорида тўлов қилиш мажбурияти юкланган. Акс ҳолда унинг уйи бутунлай бузиб ташланиши маълум қилинган.
Шаҳар маъмуриятининг маълум қилишча, бино қисман бузилганидан сўнг масъуллар у жойни кўздан кечирган ва вазият қўшни уйларга ҳам хавф солаётганини тан олган. Уларнинг фикрича, коллекторни эркакнинг уйи бузиб ташлангандагина таъмирлаш мумкин.
Изоҳ (0)