Россия томонидан Ўрта ва кичик масофали ракеталарни (ЎКМР) йўқ қилиш ҳақидаги шартнома бузилган тақдирда, АҚШ ўрта масофали ракеталар тизимини яратиш бўйича ҳарбий ечимларга мурожаат қилишга тайёр. Бу ҳақда АҚШ давлат котиби ўринбосари Томас Шеннон «Коммерсантъ» газетасига маълум қилди.
«Биз аввалгидек, Россия томонидан Шартнома қоидаларининг бузилиши масаласини дипломатик ҳал қилишга интилаётган бўлсак-да, АҚШ ердаги базага таянадиган ўрта масофали ракеталар тизимини яратиш бўйича эҳтимолий ҳарбий ечимларни ҳам ўрганишни бошламоқда», — деди Шеннон.
Унинг таъкидлашича, Россия Шартномага риоя қилмаган тақдирда, ушбу ракеталар АҚШ ва иттифоқдошларининг ҳимоясини таъминлайди, шунингдек, Москва тақиқланган ракеталарни яратиш орқали эришаётган устунликни қоплайди.
«Агар Россия ЎКМР ҳақидаги шартнома бўйича ўз мажбуриятларига тўлиқ риоя қилишга қайтса, биз ушбу шартномада тақиқланган тизимларни ишлаб чиқишни тўхтатишга тайёрмиз», — деди Шеннон.
Изоҳ (0)